ბრაზილია მსოფლიო ჩემპიონატის ჯგუფურ ეტაპზე 24 წლის განმავლობაში პირველად დამარცხდა

ყატარში ბრაზილიის ნაკრებმა შეწყვიტა 2002 წლის მსოფლიო ჩემპიონატზე დაწყებული სერია. მსოფლიო ჩემპიონატზე ზედიზედ 17 მატჩი ბრაზილიას ჯგუფურ ეტაპზე არ ჰქონდა წაგებული. "სელესაო" ბოლოს ჯერ კიდევ 1998 წელს ნორვეგიის ნაკრებთან დამარცხდა.

მაგრამ რაღაც მომენტში ეს უნდა მომხდარიყო. ბრაზილიის ნაკრები კამერუნთან მინიმალური ანგარიშით (0:1) დამარცხდა. შეხვედრის ბოლოს ერთადერთი გოლი ვინსენტ აბუბაკარმა გაიტანა.

მარცხმა ხელი არ შეუშალა ბრაზილიის ნაკრებს G ჯგუფში პირველი ადგილის დაკავებაში, მიუხედავად იმისა, რომ შვეიცარიასაც 6 ქულა ჰქონდა. სამხრეთ ამერიკელებმა ევროპელებს დამატებითი მაჩვენებლებით გაუსწრეს.